Нұр-Сұлтанның орталығында жол опырылып, көліп түсіп кетті (видео)
Нұр-Сұлтандағы Шоқан Уәлиханов пен Ғұмар Қараш көшелерінің қиылысында жол төсемі опырылып түсті.
Қазіргі уақытта учаске қоршалған. Шұңқырдың орнын толтыру жұмыстары жүргізілуде.
Елорда әкімдігінің хабарлауынша, оқыс жағдай «мердігер ұйымның диаметрі 300 миллиметр СДР 17 құбырын тесу әдісімен төсеу кезінде технологиялық процесті сақтамауына байланысты» орын алған. Нәтижесінде нөсерлік кәріз коллекторы су астында қалып, жол төсемі опырылған.
«Бұзушылыққа жол берген мердігер ұйым жауапкершілікке тартылады. 19 сәуірде әкімдік басқармалары, ШЖҚ «Elorda Eco System» МКК, сондай-ақ ЖП ӘПБ жол төсемін қалпына келтіру жұмыстарын жүргізеді», — деді ведомствода.
