23 сәуір, 2021
Семей әкімі Нұрымбет Сақтағановтың қаладағы жолдарды мақтап жазған жазбасы тұрғындардың шамына тиді, деп хабарлайды Stan.kz ақпарат агенттігі.
"Бүгінде күні қаладағы жолдардың 78%-ының жағдайы жақсы", - деп жазыпты қала басшысы.
Шенеуніктің бұл айтқаны халыққа жақпаған сыңайлы, ашулы тұрғындар Instagram желісіндегі жазбаның астына өз пікірілерін жарыса жазуда.
"Жолдардың 78%-ының жағдайы жақсы дей ме? Бұл көрсеткіш қалай есептелді? Қазір бір сау көше жоқ, жолдардың барлығы шұрық-тесік. Айтып отырғаным - қаланың қақ ортасындағы жолдар, шеткі көшелердің жағдайы тіпті қорқынышты. Біреу өтірік ақымақ болып оытрған сыңайлы", - деп жазыпты бір желі қолданушысы.
"Сіз Семейдің көшелерімен жүріп көрдіңіз бе?", - дейді тағы бір желі қолданушысы.
"Мүмкін ол жолдардың 78%-ында шұңқыры бар деп айтқысы келген шығар?", - деп жазыпты тағы бірі.
