24 қараша, 2025
Мөлдір Мұқанованы сынап өткен әнші Бақыт Тұрман енді әйгілі әнші Димаш Құдайбергенге қатысты ойын ортаға салды, деп жазады ozgeris.info.
Ол бұл пікірін әлеуметтік желідегі парақшасында бөліскен. Бақыт Тұрманның айтуынша, Димаштың таланты Қазақстанда бағаланбаған.
"Димаш ел ішінде талай концертке шығып, дауысын көрсетті. Сол дауысы – сол қалпы, ешқайда кеткен жоқ. Барлық шеберлігін осы жерде-ақ паш етіп жүрді. Бірақ бағы жанды ма? Жанған жоқ. Оның жұлдызы елде жүргенде жанбады. Қашан жанды? Еңбек етіп, Қытайға барып өз мүмкіндігін толық ашқанда ғана, халық бағалағанда ғана бағы жанды. Қазір нағыз бабында, өз жолымен керемет жүріп келеді", – деді әнші.
