18 наурыз, 2019
Қазақстан президенті Нұрсұлтан Назарбаевтың жарлығымен Ұлттық қауіпсіздік комитеті төрағасы Кәрім Мәсімовке ұлттық қауіпсіздік генерал-майоры арнаулы атағы, қорғаныс министрі Нұрлан Ермекбаевқа генерал-майор шені берілді. Бұл туралы 18 наурызда Ақорда сайты хабарлады.
Кәрім Мәсімов 2016 жылы премьер-министр қызметінен Ұлттық қауіпсіздік комитетінің төрағалығына ауысқан.
Ал Нұрлан Ермекбаев 2016 жылдың қыркүйегінен 2018 жылдың шілдесіне дейін дін істері және азаматтық қоғам министрі болған. 2018 жылдың шілдесінен бері елдің қорғаныс министрлігін басқарады.
Азаттық
