​Белгілі заңгер ұлттық киіммен жалаңаш суретке түскен жігітті жауапқа тартуды сұрады

Бірнеше күннен бері ғаламторда жалаңаш тәніне ұлттық киім киіп, суретке түскен жігіттің суреті таралып жүр. Мұны көрген желі қолданушылары түрлі пікір жазуда. Олардың қатарында белгілі заңгер Камиша Есмұхамбетқызы да бар. Заңгер бірнеше министрге жүгініп, жігітті жауапты тартуды сұраған.


 
«Арсыз, намысы жоқтарды қашан бұзақылық бабы бойынша жауапкершілікке тартамыз? Арыстанғали Мұхамедиұлы жаныңыз неге ұлттық киімдерге ашымайды? Шет елден келген мимандарға дереу шапан жауып жүруші едіңіз. Енді шапан жалаңаштардың кәдесіне жарап қалыпты. Негізі идеология төмен болғандықтан, өз киімізге құрмет жок. Өзбектер киімін мақтанып кисе, біздікілер шапанды жартылай жалаңаштап киеді. Ішкі саясатқа бәрібір жастарды тәрбиелеуге шамасы жоқ, митингке шыққан жалғыз басты аналармен күреседі. Ішкі істер министрі Ерлан Тұрғынбаев мырза жаныңыз шапанға ауырмасада, осындай да жастарды тәрбиелеу мақсатында, құрдым дегенде ұсақ бұзақылық бабымен жауапқа тартып, басыңыз ауырсыншы. Енді қорланбай қалған ұлттық киіміз еді!»-дейді заңгер.
 
Дереккөз: Reactor