Ақтауда ер адамның мәйіті табылды
Ақтауда оқиға куәгерлері 32 ықшам аудандағы «Шаңырақ» тұрғын үй кешенінің жанынан ер адамның мәйіті табылғаны туралы айтты, деп хабарлайды kznews.kz сайты lada.kz-ке сілтеме жасап.
Lada.kz редакциясына 32 шағын ауданда, «Шаңырақ» тұрғын үй кешені ғимаратының маңынан ер адамның мәйіті табылды деген хабар келіп түсті.
«Мүмкін оны біреу танитын немесе іздеп жүрген шығар», — дейді куәгерлер.
Куәгерлердің айтуынша, ер адамның мәйіті қаңтардың 3-інен 4-іне қараған түні табылған.
Редакция түсініктеме алу үшін облыстық полиция департаментіне жүгінді. Бірақ ведомство ер адамның қандай жағдайда қайтыс болғаны туралы әзірге түсініктеме берген жоқ.
