6 қаңтар, 2025
Жамбыл облысында 13 жастағы қызды марқұм әкесінің бауырлары алты жыл бойы зорлап келген. Зорлық салдарынан оқушы қыз жүкті болып, сәби босанған, деп хабарлайды Kznews.kz Skifnews.kz ақпарат порталына сілтеме жасап.
Бұл туралы елімізде бала құқықтары жөніндегі уәкіл Динара Закиева тележүргізуші Динара Сәтжанға берген сұхбатында баяндады.
«Жамбыл облысында 13 жастағы қызды қайтыс болған әкесінің туған екі бауыры алты жыл бойы зорлап келген. Былтыр желтоқсанда ол бала психологқа хат жазып, «өмір сүргім келмейді» деп айтқан. Бірақ, ешкім оған назар аудармаған. Оны ағалары алты жыл бойы зорлаған. Әріпестерім оқиға орнына барған. Өкінішке қарай, қыздың жүкті екені анықталып, ол босанды», - деді Зәкиева.
Осы ретте бала құқықтары жөніндегі уәкіл Қазақстанда мектеп психологтарының саны аз екенін және олар көп жағдайда дұрыс әрекет етпейтінін айтты.
