15 сәуір, 2026
Қаратау ауданының әкімі Алмас Абаев тәртіптік жауапкершілікке тартылды, деп хабарлайды kznews.kz.
Ресми мәліметке сәйкес, оған «қызметіне толық сәйкес еместігі туралы ескерту» түріндегі жаза қолданылған. Бұл шешім қалалық әкімнің өкімімен, Әдеп жөніндегі комиссияның ұсынысы негізінде қабылданған.
Тексеру бұқаралық ақпарат құралдарында тараған материалдардан кейін басталған. Соның негізінде аудан әкіміне қатысты тәртіптік іс қозғалып, қызметтік тексеру жүргізілген. Іс материалдары Мемлекеттік қызмет істері агенттігінің Әдеп жөніндегі комиссиясына жолданған.
Қарау қорытындысында комиссия Алмас Абаевтың әрекеттерінде қызметтік әдеп нормаларын бұзу белгілері бар деген шешімге келген. Қалалық әкімдік аппараты бұл жаза 2026 жылғы 6 сәуірдегі өкіммен бекітілгенін растады.
Айта кетейік, бұған дейін әлеуметтік желілерде футбол алаңында ер адамның басқа біреуге қол көтерген видеосы тараған болатын. Көпшілік ол адамды аудан әкіміне ұқсатып, осыдан кейін қызметтік тексеру басталған еді.
