Желіде Шығыс Қазақстан облысы әкімінің бірінші орынбасары Жақсылық Омардың ұсталғаны туралы ақпарат тарады, деп хабарлайды kznews.kz.
Өңірлік әкімдіктің баспасөз қызметі бұл жағдайға қатысты түсініктеме берді.
"Лауазымды тұлғаның ұсталғаны жөнінде ешқандай мәлімет жоқ. Сондай-ақ, интернетте тарап жатқан ақпарат ресми дереккөздермен расталмаған. Ол денсаулығына байланысты уақытша еңбек демалысында болған", - делінген хабарламада.
Айта кетейік, 11 ақпанда оның Instagram-дағы ресми парақшасында жұмыс кеңесінің өткендігі туралы жазба жарияланған. Онда өңірдің әлеуметтік саласының өткен жылғы жұмысы қорытындыланып, 2026 жылға арналған жоспарлар талқыланғаны хабарланған.
Жалпы, Жақсылық Омар әлеуметтік желілерін белсенді жүргізіп, атқарған жұмыстары туралы тұрақты түрде ақпарат беріп отырады.