Белсенділердің айтуынша, министрдің мұндай әрекеті қарапайым халықты менсінбеу болып саналады.
“Бұл цирк қашан бітеді? Министр халыққа емес, өзге мүддеге қызмет етіп отыр. Бұған дейін ол Ұлытауға Lexus-пен келген, енді 1000 еуро тұратын Valentino туфлиімен шықты. Осыны сынағаннан кейін министрлік менің аккаунтымды бұғаттады”, – деп жазды желі қолданушысы.
Үкімет отырысында Ақмарал Әлназаровадан неге жеке клиникаға барғаны сұралды. Министрдің айтуынша, видео “Қазақмыс” медициналық орталығында түсірілген, ал өзі облыстық аурухана мен Ұлытау ауданына да барған.
“Бұл клиника – жоғары деңгейде жұмыс істейтін санаулы орталықтардың бірі. Мемлекеттік ауруханада күрделі жөндеу жүріп жатыр. Менің мақсатым – халыққа сапалы медициналық көмек ұйымдастыру”, – деді министр.
Ол сапардан кейін вице-министр Ардақ Амангелдиев басқаратын жұмыс тобы құрылғанын, өңірдің өзекті мәселелері зерттеліп, жол картасы әзірленгенін айтты.
