Бүгін, 21:26
Желіде біраз уақыт көрінбей кеткен блогер Қайсар Қамза видео жариялап, өзіне қатысты тараған ақпараттарға жауап берді, деп хабарлайды Tizgin.kz.
Оның айтуынша, өзін ешкім ұстамаған және қамауға алынбаған. Блогер қазіргі таңда Вьетнамда жүргенін айтып, тек көші-қон мәселесіне байланысты паспорты уақытша алынғанын жеткізді. Сондай-ақ ол жағдайға түсіністікпен қарап, жақындарына дұғада болуды сұраған.
Айта кетейік, бұған дейін Қаржы мониторингі агенттігі блогердің Вьетнамда ұсталғаны туралы ақпарат таратқан болатын.
Құқық қорғау органдарының мәліметінше, Қайсар Қамза әлеуметтік желілерде онлайн-казино жарнамаларын жүйелі түрде жариялап, пайдаланушыларды құмар ойындарға тартқан. Тергеу дерегіне сәйкес, ол бұл әрекеттер арқылы 100 миллион теңгеден астам заңсыз табыс тапқан. Аталған қаражат блогердің атына тіркелген криптовалюта әмияндарына аударылып отырған.
