Туриндік "Ювентус" шабуылшысы Криштиану Роналду "Ривер Плейт" және "Бока Хуниорс" арасындағы Либертадорес кубогы үшін финалдық матчқа қатысудан бас тартты. Ойын Мадридте өтеді, - деп хабарлайды AS.
Басылым ақпаратынша, португалиялық "Реалдан" кеткелі Испанияға баруға дайын емес. Мадридтік клуб пен Роналду арасындағы қатынас футболшының "Ювентусқа" ауысқандықтан суып кеткен. Футболшы матчқа осы себепті келгісі келмейді екен.
9 желтоқсанда өтетін ойынды тамашалуға "Барселона" шабуылшысы Лионель Месси келеді деп күтілуде.
Бастапқыда "Ривер Плейт" - "Бока Хуниорс" арасындағы ойын 24 қарашада өту керек еді, алайда, жанкүйерлердің қонақтар автобусына шабуылынан кейін шегерілді. Бұл оқиғада бірнеше футболшы жарақат алған. Алғашқы ойын тең аяқталған еді - 2:2.
Либертадорес кубогы - Оңтүстік Американың басты клубтық турнирі. "Бока Хуниорс" пен "Ривер Плейта" ойыны бақталастыққа айналып кеткендіктен "суперклассико" аталып жүр.