Рамзан Қадыровтың кәмелет жасына толмаған ұлының үйлену тойына екі вице-премьер мен төрт елші қатысты. Бұл туралы Kznews.kz ақпарат агенттігі Шешенстан басшысының Telegram-арнасына сілтеме жасап хабарлайды.
Мұны Шешенстан басшысы Рамзан Қадыров Telegram-арнасында хабарлады.
“Ұлымның үйлену тойына Ресей премьер-министрінің орынбасарлары Денис Мантуров пен Александр Новак, президенттің өкілі және бұрынғы бас прокурор Юрий Чайка, Ресейдің либералдық-демократиялық партиясының төрағасы Леонид Слуцкий, тоғыз аймақтың басшылары, Иран, БАӘ, Түркия және Қазақстанның елшілері қатысты. Премьер-министр Михаил Мишустин, Мемлекеттік Дума спикері Вячеслав Володин, Федерация кеңесінің төрағасы Валентина Матвиенко және президент әкімшілігінің басшысы Антон Вайно үйлену тоймен құттықтады”, – деп жазды ол.
2023 жылдан бері Дәурен Абаев Қазақстанның Ресейдегі елшісі қызметін атқарады.
Айта кетейік, Адам Қадыров 28 маусымда Рамзан Қадыровтың жақын серігі шешен сенаторы Сүлейман Геремеевтің қызына үйленген.
