29 сәуір, 2023
Президент Қасым-Жомарт Тоқаев сенбілікке шығып, елорданың желілік саябағына ағаш отырғызуға қатысты деп хабарлайды Kznews.kz ақпарат агенттігі.
Бұл туралы Ақорданың баспасөз қызметі мәлімдеді.
Мемлекет басшысы сенбілікте еріктілермен және студенттермен әңгіме-дүкен құрды.
"Қазақстан – ортақ үйіміз, ондағы тәртіпті сақтауымыз керек. Ағаштар отырғызып, көшелерді таза ұстау қажет. Бұл – біздің азаматтық борышымыз", – деді Қмемлекет басшысы.
Сенбілікке қатысушылар Астананың желілік саябағына екі қарағай мен 39 жөке көшетін отырғызды.
Тоқаевқа елорданы одан әрі көгалдандыру және абаттандыру жоспары таныстырылды.
Астана әкімі Жеңіс Қасымбектің айтуынша, биыл қала аумағында миллионнан астам жасыл желек отырғызу жоспарлануда. Сондай-ақ Есіл өзенінің бойындағы саябақтар мен рекреациялық аймақтарды қайта құру жоспарлануда.
Жеңіс Қасымбек президентке қаланы абаттандыру жоспарлары туралы айтып берді.
Президент қала тұрғындарының демалысы үшін қолайлы жағдай жасаудың маңыздылығын атап өтіп, Астананы абаттандыруға ерекше назар аударатынын атап өтті.
