“Ноталық сауаты жоқ”: Марат Омаров Нұрлан Өнербаевқа өкпелі
RU KZ

Бізбен байланыс

Мекен-жай
ҚР, Астана қаласы, Әбікен Бектұров көшесі, 4/3
Телефон
+7 701 933 8520
Email
aktan.yeltay@gmail.com
WhatsApp
+7 701 933 8520

Біздің әлеуметтік желілер

Құрылтай жанынан жастар кеңесін құру ұсынылды

Құрылтай жанынан жастар кеңесін құру ұсынылды
ашық дереккөз

Құрылтай жанынан Жастар кеңесін құру ұсынылды. Жаңа орган жастардың бастамаларын депутаттарға тікелей жеткізіп, оларды заң шығару процесінде қарастыруға мүмкіндік бермек. Бұл туралы депутат Дана Медеуова айтты, деп хабарлайды kznews.kz.

Депутаттың пікірінше, Қазақстан жастары қоғамға пайдалы көптеген идея ұсынып жүргенімен, олардың бірқатары қолдау таппай, өңірлік деңгейден аса алмай қалады.

Осы мәселені шешу үшін Жастар кеңесін құру ұсынылып отыр. Оның мүшелері депутаттармен тікелей байланыс орнатып, елдегі жастарға қатысты мәселелерді талқылауға және өз бастамаларын ұсынуға мүмкіндік алады.

«Кеңес тек кездесулер өткізіп, өзекті мәселелерді талқылаумен шектелмеуі керек. Оның негізгі міндеті – жастардың қоғамдық өмірге қатысуына мүмкіндік беретін тиімді институтқа айналу. Ол жастар бастамаларын заң шығару күн тәртібіне енгізуге, сараптамалық тұрғыдан қарастыруға және әрі қарай ілгерілетуге жағдай жасауы керек», – деді Дана Медеуова.

Ауыл жастарының ұсыныстары да ескеріледі

Ұсынылған кеңес құрамына Құрылтай депутаттары, жастар ұйымдарының өкілдері, өңірлік белсенділер мен түрлі салада еңбек ететін жас мамандар кірмек.

Сонымен қатар, Астана мен Алматы сияқты ірі қалалардағы жастармен қатар шағын қалалар, ауылдар мен шалғай аудандардағы жастардың да пікірін ескеруге басымдық берілмек.

Жастар кеңесі халықаралық ынтымақтастықты дамытуға да атсалысып, қазақстандық жастардың бастамаларын шетелде таныстыруға көмектесуі мүмкін.

Депутаттың ұсынысы жастардың қоғамдық-саяси өмірге араласуына және олардың идеяларының мемлекеттік деңгейде қарастырылуына жол ашуды көздейді.

Автор
Жарқын Омаров

C.Торайғыров атындағы Павлодар мемлекеттік университетінің Журналистика факультетінің түлегі. Журналистика саласында 20 жылдан бері еңбек етіп келеді. Салалық, республикалық басылымдарда, интернет-порталдарда түрлі қызметтер атқарған. 2025 жылдан бері kznews.kz тілшісі