8 қаңтар, 2025
Ол кәсіби жұмысшылар экономиканың негізгі өндірістік күші екенін атап өтті. Олар жоғары технологиялық жабдықтар мен автоматтандырылған жүйелерді басқарады. Бұл үздіксіз біліктілікті арттыру процесін, зияткерлік және цифрлық құзыреттілікті дамытуды талап етеді. Қазақстанда мыңдаған білікті жұмысшылар қажет.
"Өнеркәсіп, энергетика, көлік, ауыл шаруашылығы, Су ресурстары министрліктеріне кәсіпорындармен, әкімдіктермен және Отбасы банкімен бірлесіп жұмысшы кадрлар үшін ипотекалық және жалға берілетін тұрғын үйдің жеңілдетілген бағдарламаларын іске қосу мәселелерін пысықтауды тапсырамын", — деді Олжас Бектенов Үкімет отырысында.
Премьер-Министр елімізде жұмысшы кадрларды әлеуметтік қолдаудың үздік корпоративтік тәжірибелерін тарату, олар үшін жаңа ынталандыруларды кеңейту және енгізу қажеттігін атап өтті.
Фотоколлаж: Azattyq Rýhy / Әбілқасым Есентаев
