Бүгін, 12:48
Астанада өткен Kazakhstan Fashion Week сән апталығында экс-президент Нұрсұлтан Назарбаевтың екінші жұбайы Әсел Исабаева көпшілік назарын өзіне аударды, деп хабарлайды kznews.kz.
Іс-шарадан түсірілген фотосуреттер әлеуметтік желілерде кеңінен таралып, қызу талқыланып жатыр. Кадрлардан оның сән көрсетіліміне арнайы қонақ ретінде қатысқаны байқалады. Суреттерді Instagram парақшасында Қазақстанның еңбек сіңірген спорт шебері, бапкер Әлия Юсупова жариялаған.
Бұл — Әсел Исабаеваның соңғы уақытта көпшілік алдына екінші рет шығуы. Бұған дейін наурыз айында фотограф Мирас Баянов оның қатысуымен өткен фотосессияны көпшілікке ұсынған еді.
Айта кетейік, Нұрсұлтан Назарбаев 2023 жылы жарық көрген «Менің өмірім. Бодандықтан – бостандыққа» атты мемуарында Әсел Исабаеваны өзінің екінші жұбайы ретінде алғаш рет ресми түрде таныстырған. Сондай-ақ ол олардың Тауман және Бәйкен есімді екі ұлы бар екенін жазған.
Сонымен қатар Threads желісінде де Исабаеваның елордалық сән индустриясы өкілдерімен бірге түскен фотолары таралып жатыр.
