10 маусым, 2026
Атырау облысында із-түссіз жоғалып, артынша мәйіттері табылған отбасыға қатысты тың дерек шықты. Отбасының мүшесі Мейрамгүл Қарабалинаның заттары қазіргі таңда сарайда сақтаулы тұр, деп хабарлайды kznews.kz.
Атырауда төрт адамды өлтірді деп айыпталған Сұлтан Сәрсемәлиевтің ісі бойынша сот отырысы кейінге қалды.
Бұған дейін істі қарап жатқан судья Зарема Хамидуллина 9 маусымдағы отырыста іс материалдарындағы бейнежазбалар көрсетілетінін, содан кейін сотталушыдан жауап алынатынын хабарлаған еді. Судья Сәрсемәлиевке бұл отырысқа дайындалып келу қажеттігін де ескерткен.
Алайда сот залына барған журналистердің мәліметінше, отырыс 11 маусымға ауыстырылған.
Айта кетейік, Kursiv Media жариялаған видео Атырау облысы Жангелдин ауылындағы Қарабалиндер тұрған үйде түсірілген.
