Атырау облысындағы қоғамда үлкен резонанс тудырған іске байланысты Qazaq Airan жобасының журналисі Айдана Мейрамбайқызы жоғалып кеткен отбасының туыстарымен сұхбаттасты, деп хабарлайды Arasha.kz.
Марқұм Мақсот Қарабалиннің інісі Шалқар Мұқанғалиев банк карталарына қатысты күмәнді жайттарды айтып берді.
"Мал сатқан кезде Наурыздың WhatsApp желісін пайдаланған. Мақсот ағамның Kaspi-ін қолданған. Сатылған малдың бәрінің ақшасы Мақсот ағамның картасына түсірген. Ал қалған карталарды білмедім... Ал Нәсіп жеңгемнің картасы қазіргі таңда күдікті деп саналып жатқан Сұлтанның қолында деп жатыр. Малайзияның бір қаласында төлем жасағанда, пайдаланған деп айтып жатыр", – деді Шалқар Мұқанғалиев.
