Атыраудағы трагедияны зерттеуге арнайы барған журналист Жанат Молдашова бұрын-соңды ел естімеген деректерді бөлісті, деп хабарлайды kznews.kz.
Журналист Instagram желісіндегі ресми парақшасында Ақбаян Мұқанғалиеваның денсаулығына қатысты жазба жариялады.
"Полиция аса ауыр қылмысқа күдікті Сұлтан Сәрсемалиев екенін бүгін ғана ресми жариялады. Әйелі Ақбаян Мұқанғалиева психдиспансерде есепте тұр.
Осыған дейін құзырлы органдар Ақбаян Мұқанғалиева мен Сұлтан Сәрсемалиев денсаулығына байланысты еш жерде есепте жоқ деп еді. Бүгін Ақбаянның жүйке ауруына шалдыққанын, есепте тұрғанын Денсаулық сақтау басқармасынан білдім", – деп жазды журналист.
