Бүгін, 17:39
Қазақстандық әнші, композитор және продюсер, әлемге танымал орындаушы Димаш Құдайбергеннің әкесі Қанат Айтбаев жалғыз қызы Раушанға арнап ән шығарды.
Жаңа туындының музыкасын Қанат Айтбаевтың өзі жазған. Ал ән сөзінің авторы – ақын әрі журналист Бауыржан Бабажанұлы.
Ән "Бақ сүйсін маңдайыңнан!" деп аталады.
Туындыға түсірілген бейнебаян да YouTube желісінде жарық көрді. Клиптің негізіне Раушанның қыз ұзату тойынан алынған кадрлар енген.
Желі қолданушылары жаңа әнді жылы қабылдап, туындыдан әкенің қызына деген мейірімі мен ақ тілегі анық сезілетінін жазды.
