Экономикалық тергеу департаменті Сауда және спорт министрлігінің ойын бизнесі мен лотереяны реттеу комитетінің сұрауы бойынша тексеру жүргізген. Нәтижесінде, Нұрбек Нұртазаға тиесілі Justking31 атты Instagram-парақшасында заңсыз ұтыс ойындары өткізілгені анықталды.
Ресми мәліметке сәйкес, онда күн сайын Алматыдағы екі қабатты үй, ақша және смартфондар ойнатылған. Ұтыс ойынына қатысу үшін ТОО Oilan Lab ұйымдастырған оқыту курстарын 29 990 теңгеге сатып алу қажет болған. Жеңімпазды анықтау үшін «Поле чудес» жабдығы пайдаланылып, кездейсоқтық элементі қолданылған.
Осыған байланысты блогерге қатысты әкімшілік құқықбұзушылық туралы хаттама толтырылып, айыппұл салынды.
