Петропавлдағы Qazaq Oil жанармай құю станциясына жоспардан тыс жүргізілген тексеру барысында бензин мөлшерден аз құйылғаны дәлелденді.
Техникалық реттеу және метрология комитетінің СҚО бойынша департаментіне қала тұрғынының шағымы негіз болған. Сауда және интеграция министрлігінің хабарлауынша, «PetroRetail» ЖШС-не тиесілі бекеттегі колонкалардан 20 литрлік өлшеуіш арқылы алынған жанармай көлемінде рұқсат етілген ±80 мл шектен артық ауытқу анықталды: №1 колонкада – 120 мл, №4 колонкада – 140 мл кем құйылған.
Бұл факті қолданыстағы метрологиялық талаптарды бұзу болып есептеледі.
Тексеру қорытындысы бойынша кәсіпорынға 1 млн 179 мың теңге айыппұл салынды.
Сонымен қатар, жабдыққа қосымша реттеу жасалып, жоспардан тыс қайта тексеру жүргізілді.
