19 мамыр, 2019
"Евровидение-2019" бас жүлдесін Arcade әнін орындаған Нидерланды әншісі Дункан Лоуренс жеңіп алды. Екінші орынды - италиялық әнші Алессандро Махмуд, үшінші орынды - ресейлік әнші Сергей Лазарев иеленді. Махмуд - "Сольди" әнін, Лазарев - Scream әнін орындаған.
Байқау жеңімпазы Лоуренс - 25 жаста. 2014 жылы Нидерландыдағы "Дауыс" байқауына қатысып, жартылай финалға дейін жеткен. Осыдан соң рок-академиясында оқып, 2019 жылы тәмамдаған.
Ресейлік әнші Лазарев "Евровидениеге" осымен екінші рет қатысты. 2016 жылы Стокгольмде өткен байқауда You Are The Only One композициясын айтып, үшінші орынды иеленген еді.
ВИДЕО: Дункан Лоуренстің орындауындағы Arcade әні.
Azattyq
