18 ақпан, 2020
Аталған іс бойынша қылмыстық кодекстің 120-шы және 126-бабы бойынша сотқа дейінгі тергеу жұмысы жүргізіліп жатыр
АЛМАТЫ, 18 ақпан – Sputnik. Нұр-Сұлтан қаласының тұрғыны 45 жастағы әйелді бас бостандығынан заңсыз айырып, зорлады деген күдікке ілінді, деп хабарлайды Sputnik Қазақстан қалалық полиция департаментінің баспасөз қызметіне сілтеме жасап.
2019 жылдың 23 қазанында 45 жастағы әйел Нұр-Сұлтан қаласының полициясына жүгінген. Оның айтуынша, бейтаныс адам оны пәтерінде заңсыз ұстап, жыныстық қатынасқа мәжбүрлеген.
Полицейлер 69 жастағы күдіктіні ұстады.
"Тергеу барысында полиция арыз берушінің күдіктімен кездейсоқ танысқанын анықтады. Содан кейін ер адам оны пәтеріне ішімдік ішуге шақырған. Әйел келісім берген. Екеуі бірге ішімдік ішкеннен кейін ер адам есікті іліп, әйелді 10 күн бойы үйінде ұстаған", - деді полиция департаментінде.
Тағы оқыңыз: Алматы облысының тұрғыны өзін туған інісі зорлағанын айтты
Аталған іс бойынша қылмыстық кодекстің 120-бабы ("зорлау ") және 126-бабы ("бас бостандығынан заңсыз айыру ") бойынша сотқа дейінгі тергеу жұмысы жүргізіліп жатыр.
sputniknews.kz
