4 қараша, 2019
Қысқа сілтеме алу
Димаш Құдайберген ресейлік композитор Игорь Крутойдың 65 жылдығына арналған концертте бірнеше ән орындап, көрерменнің ықыласына бөленді
НҰР-СҰЛТАН, 4 қараша — Sputnik. Танымал қазақ әншісі Димаш Құдайберген әлемдік театрлардың сахнасында өнер көрсетіп жүрген опера әншісі Аида Гарифуллина мен әлемдік жұлдыз Лара Фабианмен бірге ән шырқады.
Игорь Крутойдың мерейтойлық концертін Димаш Құдайберген, Аида Гарифуллина мен Лара Фабиан "Ti amo cosi" операсымен жапты.
Бұдан бөлек, кеште Димаш Аида Гарифуллинамен дуэт орындады. Ал мұз айдынында ресейлік мәнерлеп сырғанаушылар Бетина Попова мен Сергей Мозгов өнер көрсетті.
Сондай-ақ концертте Димаш Құдайберген "Olimpico", "Знай", "Passione" шығармаларын орындап, көрерменнің ыстық ықыласына бөленді.
Ал аты аңызға айналған әнші Андреа Бочеллимен бірге концертте ән айтпаса да, сахна сыртында екеуі бірге қосылып Besame Mucho туындысын орындады. Видеоны Димаш әлеуметтік желідегі парақшасында жариялаған.
Айта кетсек, кеше Мәскеуде ресейлік композитор Игорь Крутойдың 65 жылдық мерейтойына арналған кеш өтті. Оған әлемдік сахна жұлдыздары мен мәнерлеп сырғанаудан Олимпиада чемпиондары қатысты.
sputniknews.kz
