18 қараша, 2025
Тоқтар Серіктің 50 жылдық мерейтойында жары Бейбіт Сейдуалиева сөз сөйлеп, кейін сазды сәлем жолдаған сәті әлеуметтік желіде қызу талқыланып, сынға ұшырады, деп хабарлайды kznews.kz.
Мерейтой қонақтарына алғыс айтып, күйеуіне ақ тілегін жеткізген Бейбіттің дауысындағы өзгеріс жұрттың назарын аударған.
«Тоқтар – халықтың адамы, амандығын берсін! Бұл – көптен күткен қуанышымыз. Аллаға шүкір, өнерде қол ұстасып келе жатырмыз», – деген ол өз тілегінен кейін ән орындап берген.
Алайда желі қолданушылары оның дауысын сәтсіз деп бағалап, түрлі пікір жазған.
Көпшілік арасында:
– «Даусы мүлде шықпай қалыпты»,
– «Шәңкілдеп тұр»,
– «Мұрнымен сөйлеп тұрған сияқты»
деген секілді сын пікірлер жиі кездескен.
Желіде пікір қалдырғандардың басым бөлігі бұл жолғы өнер көрсетуді Бейбіттің сәтсіз шыққан сәті деп бағалаған.
