Бүгін күшті магниттік дауыл болады

Халықаралықметеорологиялық лабораториялардың мәліметтері бойынша, 27 шілде әлем бойынша күшті магниттік дауыл болады, - деп хабарлайды Massaget.kz тілшісі. Магниттік дауылдар және олардың хал-жағдайға әсері жайлы естіген боларсыз. Бұл Күндегі жарқылдардың әсерінен пайда болатын Жердің магнит өрісінің бұзылуы. Бұл тербелістер байланыс жүйесі жұмысына, сондай-ақ барлық тірі ағзаларға, соның ішінде адам денсаулығына да жағымсыз әсер етеді. Магниттік дауылдардың әсерін көбіне ауа райына тәуелді және созылмалы аурулары бар адамдар қатты сезеді. 27 шілде күні К индексі 5-ке жететін өте күшті магниттік дауыл күтіледі. Бұл қызыл деңгейдегі магниттік дауылға жатады. Алайда ол қысқа болады: 28 шілде күні жағдай қалыпқа келеді. Магниттік дауыл адамға қалай әсер етуі мүмкін? Магниттік дауылдар адамның хал-жағдайына жағымсыз әсер етуі мүмкін: бас ауыруы; әлсіздік; жылдам шаршау; ұйқышылдық; қан қысымының көтерілуі; жүрек-қан тамырлар жүйесінің проблемасы; буындардың ауыруы; көңіл күйдің нашарлауы; жоғары мазасыздық; созылмалы аурулардың асқынуы; ашуланшақ болу; агрессияның пайда болуы. Магнитті дауылдың әсерін қалай азайтуға болады? Ол үшін мына ережелерді сақтаңыз: таза ауада жиі серуендеңіз. Алайда күн ыстық болғандықтан, 11:00-16:00 арасында далаға шықпаған жөн. Таңда немесе кешке серуендеуге тырысыңыз; бөлмені жиі желдетіңіз; бұл күндері рационнан алкогольді сусындарды, кофе және майлы тамақты алып тастаңыз; көбірек демалуға тырысыңыз, ұйқыны қандырыңыз; қарама-қарсы (жылы-суық) душ қабылдаңыз; су режимін сақтаңыз; хал-жағдайыңыз нашарласа, дәрігерге көрініңіз.