3 маусым, 2019
British Airways әуе компаниясы ұшақтары он жыл үзілістен кейін Пәкістанға қайта ұша бастады. Компанияның BA261 рейсі 2 маусымда Лондонның Хитроу әуежайынан Исламабадқа ұшып шықты. Сайттағы ақпаратқа қарағанда ұшақ Исламабад халықаралық әуежайына 3 маусымда қонады.
Ұлыбританияның Пәкістандағы елшісі Томас Дрю бұл күнді Британия мен Пәкістан үшін "маңызды күн" деп атаған.
British Airways компаниясы Пәкістанға әуе қатынасын 2008 жылы тоқтатқан. Сол жылы Исламабадтағы Marriott қонақ үйінің жанында автокөлікке орнатылған бомба жарылып, 50-ден аса адам қаза болған.
Былтыр желтоқсанда британ әуе компаниясы маусымнан бастап Хитроудан Пәкістан астанасына аптасына үш рет ұшақ ұшатыны туралы хабарлаған.
Azattyq
