Бюллетеньдерді басып шығаруға 132 млн теңге қажет
Қазақстан орталық сайлау комиссиясы 9 маусымда өтетін кезектен тыс президент сайлауына қажетті бюллетеньдерді басып шығару үшін 132 млн 742 мың теңге жұмсайды. Бұл туралы 21 мамырда Нұр-Сұлтанда өткен ОСК жиынында айтылды.
Сайлау комиссиясының дерегінше, елдегі сайлаушылар саны - 11 млн 947 мың 955 адам. Ал сайлауға 12 млн 67 мың 475 бюллетень қажет. Бір бюллетень құны - 11 теңге.
Қазақстанда 9 маусымда өтетін кезектен тыс президент сайлауына жеті кандидат тіркелген:
Қасым-Жомарт Тоқаев - "Нұр Отан" партиясы;
Сәдібек Түгел - "Ұлы дала қырандары" республикалық қозғалысы;
Амангелді Таспихов - Қазақстан кәсіподақтар федерациясы;
Дания Еспаева - "Ақ жол" партиясы;
Төлеутай Рақымбеков - "Ауыл" партиясы;
Жамбыл Ахметбеков - Қазақстан коммунистік халық партиясы;
Әміржан Қосанов - "Ұлт тағдыры" қозғалысы.
Azattyq
