Білім және ғылым вице-министрі Элмира Суханбердиева екі айға қамалды
Астана қалалық мамандандырылған ауданаралық тергеу соты 5 маусымда білім және ғылым вице-министрі Элмира Суханбердиеваны екі айға қамау туралы сот шешімін шығарды. Бұл ақпаратты Астана қалалық сотының баспасөз қызметі хабарлады. Ол қазір Нұр-Сұлтандағы ЕЦ-166/1 изоляторында қамауда отыр.
5 маусымда жергілікті ақпарат агенттіктері жемқорлыққа қарсы іс-қимыл ұлттық бюросының білім және ғылым вице-министрі Элмира Суханбердиеваға қатысты сотқа дейінгі тергеу амалдары жүріп жатқанын хабарлаған. Әзірге оған нақты қандай айып тағылып отырғаны белгісіз.
Мемлекеттік БАҚ-тың жазуынша, Элмира Суханбердиева 2016 жылдың сәуір айы мен 2017 жылдың тамыз айы аралығында білім және ғылым вице-министрі болған. 2018 жылдың қыркүйек айында бұл қызметке қайта оралған. 2017 жылы тамыз айында "Болашақ" стипендиясының иегері атанған. Беркли университетінен шақыру қағазы болған.
Azattyq
