29 қазан, 2019
Қысқа сілтеме алу
Әлеуметтік желіде тараған ақпаратты Бағдат Манзоровтың адвокаты растады. Бас прокуратураның тиісті шешімі шыққан
НҰР-СҰЛТАН, 29 қазан – Sputnik. Алматы облысы әкімінің орынбасары Бағдат Манзоровқа қатысты қылмыстық іс тоқтатылды, деп хабарлайды Sputnik Қазақстан тілшісі.
Манзоровтың адвокаты Алмас Демесінов әлеуметтік желіде тараған қылмыстық істі тоқтату туралы құжаттың түпнұсқа екенін де растады. Айтуынша, кеше Бас прокуратураның шешімі шыққан.
"Қылмыстық істі тоқтату туралы өтініш үкіметтің электронды кабинеті арқылы жіберілген болатын. Мен ол құжаттың желіге қалай кетіп қалғанын білмеймін. Бірақ бұл – тұпнұсқа. Осы істе қылмыстық тәртіп бұзушылықтың жоқ. Біз ресми жауап алдық", - деді Демесінов.
Айта кетейік, өткен айдың соңында Алматы облысы әкімінің орынбасары Бағдат Манзоровтың ұсталғаны туралы ақпарат тараған болатын. Бас кезінде облыс әкімдігі де, сыбайлас жемқорлыққа қарсы іс-қимыл агенттігі де ешқандай мәлімет берген жоқ. Бұдан соң агенттік төрағасының орынбасары Олжас Бектенов шенеунікке қатысты Қылмыстық кодекстің 190-бабы, 4-бөлімі ""қызмет бабын пайдаланып, аса ірі көлемде алаяқтық жасау") бойынша іс қозғалғанын мәлімдеген болатын.
Тағы оқыңыз: 13 тонна алтынды үйінде жасырған шенеунік ұсталды – видео
Манзоров денсаулығына байланысты жұмысқа шықпаған. Кейін еңбек демалысын алған. Құқық қорғаушылар оны ұстап, тергеу изоляторына отырғызды. Артынан үй қамаққа алынды.
sputniknews.kz
