“Ақшамызды қайтарсын”: Сабина Алтынбекованың курсына қатысқандар полицияға арыз жазды

Аты әлемге танымал волейболшы Сабина Алтынбекованың курсын сатып алып, көңілі толмағандар ақшасын талап етіп жатыр. Тіпті бір адам полицияға арыз түсріпіті. Бұл туралы Kznews.kz Stan.kz ақпарат агенттігіне сілтеме жасап хабарлайды.

Танымал спортшы биыл мамыр айында қыздар қауымына арналған қауымдастық құратынын жариялаған. Маусымда тәлімгер курсын ашып, сатылымға шығарады. Кейбір мәліметтерге сәйкес, оның бағасы 290 мың теңге  болыпты. Шамасы жетпегендер тіпті несиеге сатып алған.

Негізі мұндай курстың мақсаты – жетістікке жеткен тұлғалар тәлімгерлерге өз тәжірибесімен бөліседі. Алайда бір айға жетпей, Сәбинаның курсына кейбір қыздардың көңілі толмай шықты. "Ақшасы мен берген білімі мүлдем сай емес" деп шулап, ақырында қаражатты қайтаруын талап етеді.

Бірақ табысы тәуір спортшылар қатарындағы Сәбина Алтынбекованың өзі оған басын қатырғысы келмейтін сыңайлы. Ақпарат құралдарында спортшының менеджері "тиісті қызмет көрсеттік, курс ақысы қайтарылмайды" деп айтқан.

"Алматы ПД бұл дерек бойынша Р.есімді азаматтың арызы Түрксіб ауданы полиция басқармасына 6 қазанда келіп түскенін хабарлайды. ҚР ҚІЖК 179-бабының талаптарын негізге ала отырып, тараптар арасында шарттық қатынас болуын ескере отырып, Р.есімді азаматқа азаматтық-құқықтық тәртіпте сотқа жүгіну ұсынылды”, – деп мәлімдеді Алматы қаласы ПД ресми өкілі Салтанат Әзірбек.