1 қаңтар, 2020
АҚШ президенті Дональд Трамп 31 желтоқсанда АҚШ-тың Бағдаттағы елшілігіне шабуылды ұйымдастырған деп Иранды айыптады. "Елші мен елшілік қызметкерлері көшірілді ме?" деген сауалға мемлекеттік департамент те, Ақ үй де әзірге жауап берген жоқ деп хабарлайды Reuters.
Ирактың билік өкілдерінің мәлімдеуінше, АҚШ-тың Ирактағы әуе шабуылына наразы мыңдаған тұрғын сейсенбі күні елшілік алдына жиналған кезде елшілік қызметкерлерінің қауіпсіздігі үшін оларды басқа жаққа эвакуация жасаған.
30 желтоқсанда Мемлекеттік департамент қызметкерлері Вашингтондағылар Иран мен ираншыл топтардың арандатуына байланысты ұстамды қалпынан өзгермей, төзіммен қарап отыр деп мәлімдеген. Бірақ енді Иран агрессиясына тосқауыл қою шарасын қабылдайтын уақыт жетті деп мәлімдеді Мемлекетік департамент өкілі.
Azattyq
