Бүгін, 10:56
Алматы қаласындағы Абай атындағы опера және балет театрында көрнекті ақын, жазушы әрі қоғам қайраткері Мұхтар Шахановты ақтық сапарға шығарып салу рәсімі өтіп жатыр, деп хабарлайды kznews.kz.
Қаралы жиынға еліміздің белгілі жазушылары, қоғам қайраткерлері мен зиялы қауым өкілдері жиналған. Сонымен қатар, көрші мемлекеттерден келген ақын-жазушылар да ақынға құрмет көрсету үшін арнайы келген. Театр іші қара жамылған халыққа толып, қоштасуға келгендердің қарасы қалың.
Залда қаралы әуен ойнап, жиналған жұрт ақынға тағзым етуде. Қоштасу рәсіміне оның әріптестері, замандастары мен үзеңгілес серіктері қатысуда. Сондай-ақ, белгілі әнші Димаш Құдайберген де келіп, Мұхтар Шахановтың рухына құрмет көрсетті.
Еске сала кетейік, 19 сәуір күні қазақтың көрнекті қаламгері Мұхтар Шаханов 84 жасқа қараған шағында өмірден озды.
