Бүгін, 08:41
Қазақтың көрнекті ақыны, жазушысы Мұхтар Шаханов қазіргі уақытта жансақтау бөлімінде ем қабылдап жатыр. Бұл туралы ақын қорының төрағасы Нұржігіт Ысқақ мәлімдеді, деп хабарлайды kznews.kz.
Мәліметке сәйкес, 84 жастағы қаламгердің денсаулығы сыр беріп, дәрігерлердің жіті бақылауына алынған. Қазір оған қажетті ем-дом шаралары жүргізілуде.
Қор өкілдері мен жақындары халықтан ақынның сауығып кетуіне тілектес болып, дұға жасауға шақырды.
Мұхтар Шаханов — ұлттық рух, тіл мен мәдениет тақырыптарын терең жырлаған қаламгер. Оның «Өркениеттің адасуы» поэмасы қазақ әдебиетіндегі маңызды шығармалардың бірі саналады.
