Алдын ала мәлімет бойынша, қайғылы оқиға бүгін Молдағұлова көшесінде тіркелген. Шамамен 29 жастағыәйел тұрғын үйдің 7-қабатынан секіріп кеткен.
Оқиғаға байланысты Алматы қалалық полиция департаменті түсініктеме беріп, аталған факті бойынша тергеу жұмыстары басталғанын растады.
— Қазір бұл оқиға бойынша Алмалы ауданының полиция басқармасы қылмыстық іс қозғады. Оқиғаның себептері мен мән-жайын анықтау мақсатында қажетті тергеу амалдары жүргізіліп жатыр, — деп мәлімдеді полиция өкілдері.
Құқық қорғау органдары қазіргі уақытта марқұмның жеке басын, өмірлік жағдайын және аталған оқиғаға не түрткі болғанын анықтауға кірісті.
