Ресми ақпаратқа сәйкес, шығыс бағытта қозғалып келе жатқан МАЗ жүк көлігінің жүргізушісі рөлге ие бола алмай, алдымен қатар жүріп келе жатқан Mercedes пен KIA Sportage көліктеріне соқтығысқан. Кейін қарсы қозғалыс жолағына шығып кетіп, №10 бағыттағы жолаушылар автобусына және Subaru автокөлігіне соққан.
Апат салдарынан 23 адам түрлі жарақат алып, қаладағы медициналық мекемелерге жеткізілді. Зардап шеккендердің арасында автобус жолаушылары мен KIA Sportage жүргізушісі бар. Қазір олардың жағдайы нақтылануда.
Оқиға орнына дереу жедел жәрдем, құтқару қызметі және полиция өкілдері тартылған. Аталған факті бойынша тергеу амалдары басталды.
