4 мамыр, 2021
Жаркентте 17 жастағы колледждің екі студенті бензин буынан уланып, көз жұмды.
Бұл туралы Алматы облысы полиция департаментінің баспасөз қызметі айтты.
"Жаркенттік полицейлер оқиға орнына барып, гараждан 17 жасар екі жігіттің мәйітін тапты. Балалардың денесінен зорлық-зомбылық белгілері табылмады. Алдын ала болжам бойынша, зардап шеккендер автомобильді жөндеу кезінде бензин буынан уланып қалған", - деп атап өтті баспасөз қызметі.
Аталған факті бойынша Қылмыстық кодекстің 156-бабының төртінші бөлігі "Еңбекті қорғау ережелерін бұзу, абайсызда екі немесе одан да көп адамның өліміне әкеп соқтыру" бойынша сотқа дейінгі тергеу басталды.
