17 ақпан, 2019
Алматы облысында 20 жастағы жүргізуші жантүршігерлік жол апатына түсіп, қаза тапты. Жол-көлік оқиғасына тұман себепкер болуы мүмкін деп хабарлайды Sputnik Казахстанға.
Жантүршігерлік Жол апаты Қарасай ауданында орын алды.
Оқиға куәгерлерінің айтуынша, марқұм жас жігіт тізгіндеген Toyota Carina көлігі кенеттен жолдың қарама-қарсы жағына шығып кеткен. Оған қоса, темір тұлпар бірнеше мәрте аударылып, жолдың шетіне ұшып кетті.
Жол апатының нәтижесінде көлік қатты зақымданып, құтқарушылар 20 жастағы жігіттің денесін шығару үшін көліктің үстін кесіп тастауға мәжбүр болды.
