19 ақпан, 2020
Украинада ерте қартаюдан зардап шеккен сегіз жасар Анна Сакидон көз жұмды, деп хабарлайды Stan.kz ақпарат агенттігі.
Волинск облыстық балалар аумақтық медициналық бірлестігінің анестезиология бөлімшесі меңгерушісінің орынбасары Надежда Катаманның айтуынша, өлім полиоргандық жетіспеушіліктің салдарынан болды.
Дәрігердің сөзінше, осындай диагноз қойылған балалардың өмірі 8-10 жылға ғана созылады.
"Бұл қыз бізде кішкентай кезінен бастап қаралды. Ақпан айында Анна 8 жасқа толды. Прогерия диагнозы бар балалардың өмір сүру ұзақтығы 8-10 жыл болғандықтан, оның биологиялық жасы 70-80 жасты құрады. Аннаның салмағы 8 келі болса да, балада ішкі ағзалар мен жүйелердің ерте қартаюы болды", – деді Катаман.
Дәрігер мұндай диагнозы бар науқастарда қаңқа өспейтінін, бірақ ішкі мүшелер өсетінін айтты. Науқастар көбіне инсульттен көз жұмады.
Анна бірнеше рет инсульт алған, сондай-ақ, ол аяқ-қол тетрапарезінен зардап шекті.
stan.kz
