15 сәуір, 2026
Норвегияда жасөспірім рейстік автобусты айдап кетіп, онымен 200 шақырымнан астам жол жүріп, Швецияға дейін барған, деп хабарлайды kznews.kz РЕН ТВ арнасына сілтеме жасап.
14 сәуірде Норвегия полициясы хабарлағандай, оқиға таңертең ерте болған: автобус Вестю коммунасындағы тұрақтан жоғалып кеткен. Кейін бақылау жүйесі оның Швеция аумағында жүргенін көрсеткен.
Швеция полициясы көлікті Уддевалла қаласында тоқтатты. Рөлде Норвегиядан келген 14 жастағы жасөспірім отырғаны анықталды. Қазір ол Норвегиядан өкілдер келгенше құқық қорғау органдары мен қамқоршылық қызметінің бақылауында.
БАҚ мәліметінше, бұл жасөспірім бұған дейін де осындай құқықбұзушылық жасаған.
Оқиға салдарынан ешкім зардап шекпеген, автобусқа да зақым келмеген.
