Қан құсады. 15 адам белгісіз аурудан көз жұмды

0
101
Сурет: Engin_Akyurt

Танзанияда 15 адам белгісіз аурудан өлді.

Африканың оңтүстігінде орналасқан Мбея өңірінде әзірге белгісіз «вирустан» 15 адам көз жұмып, тағы 50 адам ауруханаға түсті.

Науқастар қан құсқаннан кейін араға бір сағат салып көз жұмып жатыр. Сондай-ақ, бұл «вирусты» жұқтырған адам ішкен-жегенін құсады.

Жергілікті медицина мамандары көпшілікке тарала қоймайды деп болжап отыр. Олар көбінесе бұл ауруға ер адамдардың шалдығатынын байқаған. Дәрігерлер жергілікті суда сынап бар-жоғын тексеруге кірісті.

Еске салсақ, 2020 жылдың желтоқсан айында Үндістанның Андхара-Прадеш штатының Элуру қаласында белгісіз ауру таралып жатқаны туралы ақпарат пайда болды. Билік адамдар лас ауа мен тамақтан уланып жатыр деп болжады.