Қазақша тәрбие сағаты: 7 Мамыр — Отан қорғаушы күні — ЕЛІН ҚОРҒАУ — ЕРГЕ СЕРТ
Тәрбие сағат мақсаты: Оқушыларға Ұлы Отанды сүюге, ерлік көрсеткен батырлардың бойындағы ержүректілік, отан сүйгіштік, ұлтжандылық қасиеттерін дәріптеу. Отанын, елін қорғай білуге тәрбиелеу.Жүргізуші: Кеш жарық, ардақты азаматтар, қымбатты әріптестер! Көңілдеріңізге көктем шуағындай сезім мен нұр құйып,7 мамыр-Отан қорғаушылар мерекесі де келіп жетті. Осынау айтулы мерекенің қай кезде де орны бөлек.Олай болатыны, абзал азаматтарымызға деген ыстық сезім,алғыс пен құрмет ешқашан сөнбек емес.Олар-өмірдің мәні,көңілдің жыры, әр отбасының алтын қазығы. Ендеше бүгінгі мерекелік кешіміз өздеріңізге арналады.
Жүрекке адалдықтың ескен гүлін
Ғажайып келешектің төккен үнін
Ардақты ағаларға шын көңілден
Жолдаймыз алғыс пенен сәлем бүгін.
Армысыздар, ардақты азаматтар,
Отбасының тірегі, елді бастар.
Құтты болып мереке баршаңызға
Бақ-береке әкелсін отбасыға!
Құрметті азаматтар ,біздің мектептің ұстаздары, жігіттер! Сіздерді 7 мамыр — Отан қорғаушылар күні мерекесімен шын жүректен құттықтаймыз!
Отанға адал, елге қайырымды, отбасына мейірімді болыңыздар. Жүректеріңіз оттай лаулап, жандарыңыз әрдайым жас болсын. Қайратты, мақсатты болыңыздар. Еңбекте табыс, тілейміз – дей келе құттықтау сөз кезегін мектеп директоры, М.А.Сайлауұлына береміз.
Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін!
«АйДанАру» тобының орындауындағы «Сәлем саған туған ел» әнін қабыл алыңыздар.
Жүргізуші: Жете бер аңсап күткен тілегіңе,
Қылаудай дақ түспесін жүрегіңе.
Отанның, ел-жұртыңның мақтаны бол,
Алды бол қатарыңның бұл өмірде , — деп «Көңілді күн» әнімен қыздарды ортаға шақырамыз.
Жүргізуші: Мектеп – кеме, ес білімнің ескегін,
Әнге толсын, күйге толсын кештерің,
Шын жүректен бақыт тілеп сарқылмас,
Қол соғады барша әріптестерің – деп, қазақ жігіттеріне Қанымжан мен Гүлнұр өлең жолдарын арнайды.
Жүргізуші: Мың бұралып билеген
Аруды кім сүймеген .
Күміс көмей аруларға
Кімдер басын имеген-дей отырып келесі кезекті
«АйДанАру» дың орындауындағы биге береміз.
Жүргізуші: Қалыбың адамдықтың бір бұзбадың,
Ұяңнан түлеп ұшты ұл-қыздарың.
Өзіңнен өркен жайып, өнеге алған,
Тілейді сізге бақыт жұлдыздарың, — дегендей, «АйДанАру» тобы «Тек алға» әнін Амангелді Сайлауұлына, Мұрат Ахметжанұлына, Руслан Сейтқазинұлына, Азамат Тілеукешұлына арнайды, мерейлі мерекелеріңіз құтты болсын!
Жүргізуші: Күндеріңіз толсын гүлге, желекке,
Отбасында болсын ырыс-береке
Құттықтаймыз шын жүректен сіздерді
Өмір думан, бақ әкелсін мереке.- деп «Мереке» әнін тарту етеді. Қабыл алыңыздар!
Жүргізуші: Біздің елдің жігіттері жігіттердің төресі
Олар жайлы ағайын-жұрт не білесің сен осы
Олар жайлы айтылмайды биік-биік мінбеден
Өйткені олар ақиқат пен шындық сөздің жебесі.
Нұргүл мен Алтынай жігіттерге өлең жолдарын арнайды.
Жүргізуші: Мінезіңнің міні жоқ – майда қоңыр,
Бір жымисаң кетеді жайнап өңір.
Ризамыз пейіліңе қорғаушылар,
Айырмасын шаттықтан қайран өмір – деп, қыздардың әзілдерін қабыл алыңыздар.
Жүргізуші: Кешіміз өтіп жатыр салтанатты,
Төгілген күн нұрының шапағаты.
Ортада биші қыздар би билейді,
Халайық қол соғыңыз мархабатты. Алдарыңызда Гүлнұрдың орындауында «өзбек» биі.
Жүргізуші: Ұстаздар жақсылықтың жол ашары,
Қолыңда шәкіртіңнің болашағы
Өмірді алға қарай өрлететін
Сендер ғой Ұлы Отанның болашағы,- деп қыздарымыз, Руслан Жалғасбайұлына, Бегалы Ерболұлына ,Сағын Сүниятұлына «Сарбаздар» әнін жолдайды.
Жүргізуші: Себездеп алтын ара жан-жағыңнан,
Ту тіккен алаулаған арманыңнан.
Кеудеңде махаббаттың шоғы маздап,
Биіктен биіктерге самға, қыран.- деп ақын ағаларымыз жырлағандай,
«АйДанАру» триосын «Ризамын» әнімен ортаға шақырамыз.
Жүргізуші:
Құрметті халайық, баршаңызды келе жатқан 7 мамыр – Отан қорғаушылар күнімен құттықтаймыз! Бүгінгі мамыражай тыныш өмір аталарымыз қалыптастырған берік бірлік нәтижесінде келді. Ер жігіттің құл болмай, ару қыздың күң атанбай, халықтың бірлікте өмір сүруі нақ солардың арқасында. Ендеше аспанымыз ашық, еліміз тыныш, жұртымыз аман болсын.
Баршаңызға бақыттың баяндысын, бітер дәулеттің көл-көсірлігін, келер ырыстың ысырап болмауын, жүрек гүлінің мәңгі солмауын, шаңырақтарыңызға шаттық орнауын, Тәңірдің шексіз қолдауын тілейміз!
Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз. Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.
Ағалар біздің кең арқау асқарымыз,
Жолын қуар солардың жастарымыз.
Абзал жанды ақылгөй ағаларға
Ілтипатпен иілген бастарымыз — деп бүгінгі мерекелік кешімізде өз мәресіне жетті.
Сау-саламатта болыңыздар!
ЕКІНШІ ТӘРБИЕ САҒАТЫ
Сабақтың тақырыбы: Елін қорғау — ерге серт
Мақсаты:
Білімділік: Қазақстан Республикасының Қарулы күштерінің құрылуы , оның Отанымыздың бейбітшілігін сақтаудағы маңызы жайлы , әскери өнердің өзңндңк ерекшелігі туралы , егемендігімізді күзетуде олардың маңызы жайлы тереі мағлұмат беру:
Дамытушылыұ: оқушылардың шығармашылық қабілеттерін , өлеңді мәнерлеп оқу манерін, өнерлерін көрсете білуге , сахнада өздерін көрсете білу арқылы эстетикалық қабілеттерін дамыту;
Тәрбиелік : оқушыларды туған елін , жерін Отанын , тілін , мәдениетін құрметтеп , тарихты терең бағалай отырып , патриоттық сезімге тірбиелеу;
Сабақтың түрі : ашық тәрбие сағаты
Көрнекіліктер : «7 мамыр Отан қорғаушылар күні» банер , «Power Point» слайд шоу , гүлдер , шарлар
Сабақтың барысы: І. Ұйымдастыру кезеңі
ІІ. Қазақстан Республикасының гимні орындалады.
I- Жүргізуші:
Армысыздар қымбатты ұстаздар , аяулы оқушылар! Көңілдеріңізге көктем шуағындай сезім мен нұр құйып келген, 7 мамыр Отан қорғаушылар күні мерекесімен кұттыктаймыз.
II -Жүргізуші:
Жүрекке адалдықтың ескен гүлін,
Ғажайып келешектің төккен гүлін.
Ардақты ағаларга шын көңілден,
Жолдаймыз алғыс пенен сәлем бүгін-
7 «Б» сынып оқушыларының «Елін қорғау — ерге серт» атты мерекелік ашык тәрбие сағатын тамашаланыздар.
І -Жүргізуші:
Отан қорғаушы күні – 2013 жылы 7 мамырда тәуелсіз Қазақстанның Қарулы Күштеріне 21 жыл толады.
Бұл күн – казақстандықтардың ерлікке толы шежіресін және Отанға қызмет ету дәстүрінің сабақтастығын сипаттайды.
II -Жүргізуші:
Қазақстан – кең байтақ, 130-дан астам ұлттар мен ұлыстар мекен етіп жатқан мемлекет. Еліміздің әрбір азаматы ұлты мен дініне қарамай татулықтың берік туын желбіретіп, сүйікті байтақ даламызға деген махаббатын ісімен дәлелдесе, оны неге отансүйгіштік демеске. Тіпті, Елбасымыз өзінің «Тарих толқынында» деп аталатын кітабында «Ұлттық бірліксіз патриотизм жансыз» деген ойды айтқан. Жалпы, жасөспірімдерді отансүйгіштікке тәрбиелеудің бірден-бір жолы – жастайынан патриоттық сезімін дамыту. Адам бойындағы бұл байлық бір зерттеушілердің ойынша туа біткен қасиетке жатпайды екен, ол әлеуметтік, тарихи сатыларда қалыптасқан, сүйіспеншілік сезім, ол Отанға қызмет етуден ғана көрінеді.
І –Жүргізуші:
Мектеп – кеме, ес білімнің ескегін,
Әнге толсын, күйге толсын кештерің,
Күй « Ерке сылкым» . Орындайтындар : Мендибеков Султанбек
Тураров Ондасын
II -Жүргізуші:
Ел — халқына шат-шадыман күлкі мен тыныш өмір сыйлауда әскеріміздің атқарып жатқан қызметтері ұшан-теңіз. Әскеріміздің айбынын асқақтататын сардарлар мен сарбаздарымызға қандай құрмет көрсетсек те жарасады. Жігіттерімізге амандық, денсаулық тілейміз. Еңселеріңіз биік, мерейлеріңіз үстем болсын!
Сұлтанбек :
Әркайсысы жас пері
Бойында бар нык күші
Қазағымның әскері
Мықтылардың мықтысы
Мадияр:
Арайланып ақ таң шын
Ашық болсын жолдарың
Әрбір қазақ мақтансын
Деп сендерді « Қорғаным»
Мұкамбеталі:
Сыйлар деумен тынымды
Сендерге артты үмітті ел
Мейрамдарың бүгінгі
Кұтты болсын жігіттер
І -Жүргізуші :
« Сарбаздар» әні . Орындайтындар : Хакимжанова Раушангүл.
Шамшиева Сабина
Көрініс : «Әскерге шақыру» .
Шалғай ауылда өмір сүріп жатқан отбасы. Ержетіп калган Азаматты әскерге шақыру қағазы келді.
Пошта қыметкері Дархан үйге кіріп келеді.
Дархан :
-«Ассалаумағалеикум» .
Касым атай : (Мұхамбетәлі)
-«Уағаликум салам » балам , төрге шық .Қандай шаруамен жүрсін.
Дархан:( Нұрай)
-Ақсақал, Азаматқа әскерге шақыру қағазын әкелдім дейді.
Дария әжей: (Аружан)
-Жалғыз баламды әскерге қалай жіберемін. Қазір неше түрлі жағдайлар болып жатыр .Біздін күніміз не болады? Жоқ , мен жібере алмаймын.
Касым атай : (Мұхамбетәлі)
-Жібере алмаймының не? Азаматтық борышы , өз пікірін тындайық.
Азамат: ( Арман)
-Елбасымыз Н.А.Назарбаев:
«Еліңнің ұлы болсаң, еліңе жаның ашыса, адамзаттық намысың болса, қазақтың ұлттық жалғыз мемлекетінің нығайып-көркеюі жолында жан теріңді сығып жүріп, еңбек ет. Жердің де, елдің де иесі өзің екеніңді ұмытпа!», – деген.
Бұл сөздерді іштей қайталаған сайын біздегі жас ұрпақтың бойында отансүйгіштік қасиет қандай деңгейде екен деген заңды сұрақ туындайды. Апа, ата ақ баталарыңызды берініздер . Мен әскерге барамын.
Касым атай : (Мұхамбетәлі)
-Бәрекелді , сенен күткен жауабым да осы еді.
Дария әжей: (Аружан)
І-жүргізуші:
1992 жылдың 7 мамырында Елбасымыз Н.А.Назарбаев Жарлығыммен тарихымызда тұңғыш рет республикамыздың қарулы күштерін құрылды. Ол бір тарихи жағдай, тағдырлы кез болатын. осынша тарихи тұрғыдан қысқа мерзім ішінде бір тақырдан өз армиямыз, әскерлер түрін түзілді. Ол енді тәуелсіз мемлекетіміздің ажырамас бөлігіне, заманымыздың жақсы дайындалған, жасақталған, ұрысқа қабілетті армиясына айналды.
Арман:
Ақ найзаның ұшымен,
Ақ білектін күшімен,
Ата-бабам мирас етті жерімді.
Арыстандай айбаттым,
Бойда құрыш қайратым,
Мәнгі қорғап өтем текті елімді.
Дидар:
Сүйсем әке-апамды,
Сүйсем солай Отанды,
Мызғымайтын шекарада тұрганда.
Отан үшін от кешем,
Қаруыммен серттесем,
Көк бөрінін киеси бар тұлғамда.
Ондасын:
Бейбіт қонған елім бұл,
Ертіс пенен Еділдің,
Арқа менен Алатаудын арасын.
Мәнгі орнасын азат күн,
Аспанына қазақтың ,
Ынтымақ пен тапсын бірлік жарасым.
Серғазы:
Мен қазақпын, ұланымын елімнің ,
Мен қазақпын, тірегімін жерімнің ,
Ұланымын туын көкке көтерер.
Болашаққа алға бастап жетелер,
Қиындығын қазағымның әрқашан ,
Қайыспайтын қара нардай көтерер.
Есбол:
Көз тойғысыз қазағымның жері бар ,
Ну орман, тауы, өзені, көлі бар .
Қазағымның жерін, елін қорғайтын ,
Жас жеткіншек, ұланы бар, ері бар.
Тимур:
Міне, осындай егеменді еліміз,
Кең жазира ұлан байтақ жеріміз .
Туған елін, туған жерін сүйетін,
Біз қазақтың ұланымыз, еріміз.
ІI-Жүргізуші:
Кешіміз өтіп жатыр салтанатты,
Төгілген күн нұрының шапағаты.
Ортада биші қыздар би билейді,
Халайық қол соғыңыз мархабатты.
Би «Әке толғауы» . Орындайтын 7 «Б» сынып қыздар би тобы .
I-Жүргізуші:
Себездеп алтын ара жан-жағыңнан,
Ту тіккен алаулаған арманыңнан.
Кеудеңде махаббаттың шоғы маздап,
Биіктен биіктерге самға, қыран.-
оқушыларымыздың 7 мамыр Отанқорғаушылар күні туралы ойларын тыңдайық.
Ернар:
Бұл күні біз Қарулы күштер қатарында қызмет еткендер мен сапта жүргендерге құрмет көрсетеміз. Мемлекеттің, қоғамның және әрбір қазақстандықтың қауіпсіздігін қорғаушылар мен өз еліне шексіз берілгендер орасан ілтипатқа ие.
Нұргелді:
Бұл — ерекше мереке, біз бұл күні Ұлы Отан соғысы ардагерлері, ерлік пен батылдықтың өлшеусіз үлгісін көрсеткен барлық жерлестеріміз, Ауғанстанның отты жолдарымен өткен ержүрек жауынгерлер алдында тағзым етеміз.
Темірлан:
Уақыт алмасады, ұрпақтар өзгереді, бірақ Отанға деген сүйіспеншілік, қажырлылық, ерлік, жауынгерлік рухымыз өзгеріссіз қалады.
Кенжебек:
Отан қорғаушылар күні Отанға сүйіспеншілік іспетті адами құндылықтардың тұрақтылығы және өлшеусіздігі, оның мүдделерін қорғауға әзірлік, патриотизм мен ерліктің барлық көріністері туралы айғақтайды.
ІI-Жүргізуші:
Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін!
I-Жүргізуші :
Оқас Дидардың орындауында « Алға қазақ жігіттері»
ІI-Жүргізуші:
Қымбатты біздің ұстаз-азаматтар! Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған дихан да, мал бағып терін төккен шопан да, бәрі-бәрі ұстаздан білім, тәлім алған, сондықтан, ұлағатты ұстаздар, айбынды азаматтар, сіздерге бүкіл адам баласы құрметпен бас иеді.
I-Жүргізуші:
Ұстаздар жақсылықтың жол ашары,
Қолыңда шәкіртіңнің болашағы
Өмірді алға қарай өрлететін
Сендер ғой Ұлы Отанның болашағы –
ұстаз ағайларымызды құттықтауға рұқсат етіңіздер.
ІI-Жүргізуші :
Би « Қара көйлек» . Орындайтын бишілер тобы.
I-Жүргізуші :
Бұл мереке әр кезде де батылдық пен ерліктің, қаһармандық пен елдіктің нышаны, Отанға деген сүйіспеншілік пен адалдықтың өлшемі, болашақ ұрпақтар үшін, егемен еліміздің тәуелсіздігін қорғаушылардың бәрі үшін жарқын үлгі болып қала берері сөзсіз.Ендеше аспанымыз ашық, еліміз тыныш, жұртымыз аман болсын .
Хор « Атамекен »
ІI-Жүргізуші:
Мамырдың мамыражай күндерімен, майда желімен келіп жеткен мерекелеріңіз тағы да құтты болсын, ардақты азаматтар! 7 «Б» сынып ұлдарын құттықтауға рұқсат етіңіздер!
I-Жүргізуші :
7 «Б» сынып оқушыларының «Елін қорғау — ерге серт» атты ашық тәрбие сағатымызды көніл қойып тыңдағандарыңызға рақмет!
Құттықтау сөзді мектеп директоры Макежанова Роза Ашимбекқызына береміз.
