Бүгін қасиетті Қадір түні — оқылатын дұғалар, қалай өткізген дұрыс

0

2021 жылы Рамазан айы 13 сәуірде басталды. Қасиетті ай 12 мамырға дейін жалғасады. 8 мамырдан 9 мамырға қараған түн – Қадір түні.

Қадір түнінің мың айдан артық екендігі Қадір сүресінде ашық баян етілген. Осы түні жасаған құлшылықтарымыз 83 жыл жасалған мінәжаттың сауабына татиды. Ал, бұл түнді жіберіп алған кісі көп нәрседен мақұрым қалады дейді ардақты Пайғамбарымыз (с.а.у.):

«Рамазан айында мың айдан артық бір түн бар. Кім оның жақсылығынан мақұрым қалған болса, шын мәнісінде (көп нәрседен) мақұрым қалғаны[1].

Бұл түннің «Қадір түні» деп аталуының екі мәні бар:

Біріншісі — адамдардың келесі жылғы өмірі мен өлімі, ризық-несібесі, тағдыры белгіленетін түн.

Екіншісі — Қадірлі, қасиетті, ұлық түн. Мың айдан артық бұл түн өзге түндерден қадірі — асқақ, ұлық әрі берекесі — мол. Сол себепті де «қадір-қасиеті мол түн» деген атауға ие.

Бірінші мәні жайында сахаба Абдулла ибн Аббастың (р.а.): «Қадір түнінде сол жылғы жақсылық пен жамандық, ризық-несібе және өмірдің мөлшері тағдырға жазылады (Лаухул махфуз). Тіпті «пәләнше осы жылы қажылыққа барады» деп қажылыққа кімнің баратынын да жазып қояды», — дегендігі тәпсір кітаптарында келтіріледі.

Сондай-ақ, Хасан, Мүжәһид және Қатәдә былай деген: «Қадір түні сол жылы болатын барлық істер, ненің жаратылатыны, қаншалықты ризық-несібе берілетіні, өмір сүру уақыты белгіленеді[2].

Бұнымен қатар, Жаратушы Иеміз «Духан» сүресінде: «Біз ол Құранды берекелі түні түсірдік», — дей келе қадір түнінің берекелділігін басып айтса, ары қарайғы аятта: «Және сол түні барлық дана істер белгіленеді», — дей келе қадір түнінің аталмыш екі мағынаны да қамтитындығына ишара етіп тұр[3].

Енді осы берекелі түннің сауабынан мақұрым қалмау үшін не істеген дұрыс, қалай өткізген абзал?

Бұл түні жасалуы тиіс сауапты істерді былайша тізбектеуге болады:

1. Намаз оқу: тәһәджүд намазын, қаза намаздарын және түрлі нәпіл намаздарды оқыған дұрыс. Ардақты Пайғамбарымыз (с.а.у.): «Кімде-кім қадір түнінің қасиетіне сеніп, сауапқа кенелемін деген мақсатта түнді құлшылықпен өткізсе, онда оның өткен күнәлары кешіріледі»[4], — деген

2. Құран оқу.

3. Алладан кешірім тілеп, Одан дүние-ақіретімізге пайдасы тиер нәрселерді сұрау. Айша (р.а.) анамыз Алла елшісінен (с.а.у.): «Егер Қадір түніне дәл түссем, онда қандай дұға айтайын», — деп сұрайды. Оған (р.а.) Пайғамбарымыз (с.а.у.): «Мына дұғаны оқы: «Аллаһуммә иннәкә ғафуун тухиббуль ғафуә, фағфу ғанни» ,- деп жауап береді. Мағынасы: «Уә, Жаратушым! Шынында сен жарылқауды жақсы көресің. Мені жарылқай гөр».

Атақты хадисші Суфуанус Сәури өзінің бір сөзінде: «Бұл түні дұға етіп, Алладан кешірім сұрап, тілек тілеу мен үшін намаз оқудан қайырлы. Егер Құран оқып, артынша дұға етіп отырса тіптен жақсы» деген. Себебі, бұл түн — Аллаға көптеп дұға ететін, кешірім тілейтін түн.

4. Дұғамыздың арасында: Елімізге амандық, жұртымызға тыныштық, иман тілеуді де ұмытпағанымыз жөн. Сондай-ақ, әлемнің түкпір-түкпірінде жәбір көріп жатқан мұсылман бауырларымызға Алладан жәрдем сұрайық.

5. Пікірлеу. Алланың ұлықтығына, Исламның ұлықтығына, Құранның ұлықтығына ой жүгірту. Айтылған уағыз-насихаттарды көкейге түю.

6. «Субханаллаһи уә бихамдиһи, субханаллахил Ғазим», «Астағфирулла», «әлхамдулилла», «Аллаһу әкбәр», «Лә иләһә иллаллаһ» сынды зікірлерді көбірек айту.

Міне, осындай сауапты амалдарды орындай отырып, 83 жылдық сауапты бір түнде қоржынымызға жинап алайық, құрметті мұсылман қауым. Алла істеген қайырлы істерімізге еселеп сауаптан жазғай!

Ескертпе: Қадір түні — үстіміздегі жылдың (2021 ж) мамыр айының 8-нен, 9-на қараған түніне тура келеді. Таң намазының уақыты кіргенге шейін жалғасады.

[1] Ән-Нәсәи: Китәбус сиям — №2106. (Миркатул Масабих)
[2] Тәфсирул Бәғәуи
[3] Духан сүресі – 3 аят. Тафсиру әт-Табари
[4] Бухари.

Абдусамат Қасым
Дереккөз: Ислам.кз
* * *
кадир туни, кадыр тун, кадыр тун 2021, кадыр тун намазы, кадыр тун ночь предопределения, кадыр туни кашан, кадыр туни кашан 2021, кадыр туни не истеу кажет, кадыр туни туралы, қадір намазы, қадір сүресі, қадір түні, қадір түні 2020 қашан болады, қадір түні 2021, қадір түні дұғалары, қадір түні дұғасы, қадір түні не істеу керек, қадір түні оқылатын дұға, қадір түні оқылатын дұғалар, қадір түні қашан, қадір түнінде оқылатын дұғалар, қадір түні 2022, қадір түні 2023, қадір түні 2024