Бүгін, 17:48
Мейіржан Төребаев жазасын өтеп, бостандыққа шыққаннан кейін әлеуметтік желіде ой бөлісті, деп хабарлайды kznews.kz.
Актер өз өміріне өзгеріс енгізуге бел буғанын айтып, енді "жоқ" деп айтуды үйренетінін жеткізді. Оның сөзінше, бұрын ешкімнің бетін қайтара алмай, басқалардың пікіріне қатты мән беретін болған.
"Қазір өзгелер не ойлайды деп алаңдамаймын", – деп жазды ол.
Төребаевтың айтуынша, түрмеде отырған адамдар бостандыққа шыққаннан кейінгі өмірін жиі жоспарлайды. Ол да өзіне нақты мақсаттар қойғанын айтты.
Актер енді әр сәттің қадірін білуді, балаларына көбірек көңіл бөлуді, оларды спортқа баулуды, кітап оқуды, атқа мінуді және таңертең велосипед тебуді басты назарға алатынын жеткізді.
"Бұл қарапайым нәрселер сияқты көрінгенімен, ол жерде жүзеге асыру мүмкін болмады. Енді осыған басымдық беремін", – деді ол.
