16 сәуір, 2025
Оқиғаны қоғамға адвокат Жанна Оразбақова жария етті. Ол Instagram парақшасында бұл сұмдық жағдай жайлы мәліметтермен бөлісті.
Оразбақованың айтуынша, ер адам бұрынғы әйелін ұзақ уақыт аңдып жүріп, күтпеген жерден шабуыл жасаған. Салдарынан әйел ауыр жарақат алып, қазір жүре алмайтын жағдайға түскен. Абырой болғанда, тірі қалған.
«Мұндай жауыздықты қалай түсінуге болады? Жыртқыш аңның өзі серігіне мұндай қатыгездік жасамайды. Бұл адамның басында не бар өзі?» – деп ашынды адвокат.
Сондай-ақ, Оразбақова күдікті ұсталар сәтте өз тамырын кесуге әрекеттенгенін, бірақ тірі қалғанын атап өтті. Енді ол заң алдында жауап береді.
Қалалық полиция департаменті бұл жайтқа байланысты қылмыстық іс қозғалғанын мәлімдеді.
