"Жұғысты болсын": Алтынай Жорабаева отбасындағы қуанышты жаңалығын айтты

Қазақстандық танымал әнші Алтынай Жорабаева отбасындағы қуанышты жаңалығын бөлісті. Өнер иесінің қызы Қытай еліндегі беделді университеттердің біріне оқуға түскенін хабарлады, деп жазады Kznews.kz. Алтынай Жорабаева бұл жаңалығын Instagram-дағы парақшасында жария еткен. Өнер иесі бұған дейін қызы Қытайдың екі университетінен шақырту алып, енді таңдау жасайын деп жатқанын хабарлаған болатын. "Аяулым таңдау жасады. MINZU университетінде қытай тілінде стипендиясын алып оқиды. Ал BFSU университетінде қосымша жапон тілін оқиды. Жаным, ақылдым. Өте дұрыс шешім ғой. Ақ тілек-ниеттеріңіз өздеріңізге еселеп тұрып қайтсыншы. Жұғысты болсын", - деп жазды әнші.