1 қазан, 2022
Жигули Дайрабаев "Ауыл" партиясынан президенттікке кандидат ретінде ұсынылды, - деп хабарлайды Kznews.kz тілшісі.
Астанада "Ауыл" халықтық-демократиялық патриоттық партиясының кезектен тыс XX съезі өтті. Жиналыста партия мүшелері Жигули Дайрабаевтың алдағы президенттік сайлауға кандидат ретінде кандидатурасын қолдады.
Жигули Дайрабаев - "Атамекен" ҰКП Төралқасы агроөнеркәсіптік кешен комитетінің төрағасы және Қазақстан фермерлер қауымдастығының төрағасы.
"Құрметті партияластарым, сіздердің сенімдеріңізді ақтаймын. Бар күшімді Қазақстанның және агроөнеркәсіптік кешеннің дамуына саламын", - деді Дайрабаев.
Қазақстан фермерлері қауымдастығы сайтындағы ақпаратқа сәйкес, Жигули Дайрабаев 68 жаста. Үйленген, үш баласы мен жеті немересі бар.
Еске салайық, Қазақстанда кезектен тыс сайлау биыл 20 қазанда өтеді.
