НҰР-СҰЛТАН, 30 мамыр — Sputnik. Сайлаушылар қазақстандық боксшы Геннадий Головкин мен канадалық Стив Роллстың жекпе-жегін Нұр-Сұлтандағы сайлау учаскелерінде көре алады.
"Біздің белгілі боксшы Геннадий Головкиннің халық тағатсыздана күткен жекпе-жегі таңғы сағат 7:00 мен 10:00 аралығында болады. Барлық сайлау учаскесінде дауыс беру залынан бөлек бөлме дайындап жатырмыз. Ол жерде Головкиннің жекпе-жегін тікелей эфирде тамашалауға болады", - деді елорда әкімінің орынбасары Ерлан Қаналимов.
Кездесу Madison Square Garden аренасында өтеді.
Тағы оқыңыз: Данияр Елеусінов Головкинмен арадағы дауға нүкте қойды
Әкім орынбасары сайлау күні астанада қоғамдық көлікпен тегін жүруге болатынын айтып өтті.